Cine club Cangas

HONEYMOONS Dirección: Goran Paskaljevic Guión: Goran Paskaljevic e Genc Permeti. Intérpretes: Lazar Ristovski (Verin stric), Petar Bozovic (Verin otac), Danica Ristovski (Verina majka), Mira Banjac (Stana), Nebojsa Milovanovic (Marko), Jelena Trkulja (Vera), Jozef Shiroka (Nik), Mirela Naska (Maylinda), Bujar Lako (Nikov otac), Yllka Mujo (Nikova majka) Fotografía: Milan Spasic. Música: Rade Krstic . Duración: 92 min. Espiga de ouro Seminci 2009 SINOPSE Coa esperanza dunha vida mellor, dúas  parellas novas abandonan os seus respectivos países. Melinda e Nik abandonan Albania para dirixirse en barco a Italia, onde esperan vivir o seu amor prohibido. Vera e Marko deixan Serbia por tren en dirección a Austria, atravesando Hungría. Marko, un violoncelista de gran talento, ten a oportunidade de entrar na Orquestra Filarmónica de Viena. Pero os problemas empezan ao chegar á fronteira, aínda que teñen os papeis en orde. A pesar de que non teñen nada que ver cun grave incid...

Ao cine club gustaríalle contar coas opinións e comentarios dos socios e dos espectadores das nosas películas. Invitámosvos a participar no blog premendo na icona dos comentarios. Estamos interesados en coñecer as opinións de todos e intercambiar criterios.

YUKI E NINA Dirección: Hippolyte Girardot, Nobuhiro Suwa Guión: Hippolyte Girardot, Nobuhiro Suwa. Intérpretes: Hippolyte Girardot (Frédéric), Noë Sampy (Yuki), Arielle Moutel (Nina), Tsuyu (Jun), Marilyne Canto (Camille), Jean-Paul Girardot (O avó), Koko Mori ( anciá) Fotografía: Josée Deshaies. Música: Lily Margot, Doc Mateo. Duración: 92 min. SINOPSE  Ao seus nove anos, Yuki está afeita a vivir en París, pero a separación dos seus pais pode afastala de todo o que coñece. Filla dunha xaponesa e un francés, a pequena veríase obrigada a vivir coa súa nai en Xapón, deixando atrás á súa mellor amiga, Nina. As dúas nenas non están dispostas a separarse, así que idean plans para que os pais de Yuki se reconcilien e volvan estar xuntos. Cando todo iso falle, a única saída que lles quedará será fuxir e esconderse no bosque.

A produtora da película de Oliver Laxe acaba de respondernos á petición que lle fixeramos para proxectar en formato DVD a película Todos vós sodes capitáns .  Coméntanos que de momento están tentando realizar a distribución na rede comercial e en canto estea disponible no formato dixital darannos a información. Mala sorte, alomenos de momento.

Día 22 de outubro Yuki e Nina  Día 5 de novembro Honeymoons Día 19 de novembro In the loop Día 10 de decembro Tulpan

Podemos dicir que a programación do outono queda pechada tal e como estaba anunciada nunha entrada anterior. Comezamos o 22, ás 21 horas con YUKI E NINA. PASÁDEO, AGARDÁMOSVOS